اللـي تحـط مكيـاج خلهـا تولـّي

[مستر آدم]

اللـي تحـط مكيـاج خلهـا تولـّي


َ /



يـا صانـع المكيـاج الله يجـازيـك
خليتني مخـدوع فـي شكـل خلـي

الله يحـرق مصنعـك مـع مبانيـك
والمعرض الموجـود في بيكاديلي
ادعي عسى تعمى وتنشـل رجليـك
هـذا دعائـي دوم لا جيـت اصلـي

خليتني اركـض ورا البنت هاذيـك
واشوفها اجمل غـرام ٍ حصـل لـي
قلبي عشقها يا(جيفنشي) توماتيك



وان شافها قلبـي يرحـب يهلـي

هي رحبت بـي وقالـت الله يحييـك
وقالت هلا باللي عشق زيـن شكلـي

وقالت انا اجمل بنت في اللي حواليك
شف حسني الاخاذ وروجي العسلّـي
طالعتها ثـم قلـت هالقلـب يبغيـك

ومن شاف حسنك خلى غيرك يولـي
ابغي اشوفـك دون مكيـاج يكسيـك



وابغـي اشوفـك بالجمـال المحلـي
قالت تبينـي افـرك الوجـه تفريـك
واشيل هالبـودر وروجـي وكحلـي
قلت أي نعم قومي عسى الروح تفديك
ابغـي جمالـك هالطبيعـي يهـلّـي
قالت دقايق راجعـه لـك واراويـك
ذاك الجمـال اللـي لعينـك يسـلّى

ويوم رجعت لي شربكتني الشرابيـك
وحسيت الارض تدور وانـا بمحلـي
الوجـه كنـه بيـت كلـه شبابيـك
من هالحفر في وجهها اللـي يعلّـي

كلـه سبـب مكياجـك الله يجازيـك
خليتني مخـدوع فـي شكـل خلـي



ونصيحتي لكل شاب من غير تشكيك
لا لا اتسـرع ثـم تنغـش مثـلـي
اللـي بـلا مكيـاج خلهـا حواليـك
واللـي تحـط مكيـاج خلهـا تولـي​

 

[الراية الخضراء]

رد: اللـي تحـط مكيـاج خلهـا تولـّي

ههههههههههههههههههههههههههههههههههههههههههه



جد حلووووووووووووووووووة


يسلموو مستر

 

[عبير الذكريات]

رد: اللـي تحـط مكيـاج خلهـا تولـّي

هههههههههههههههههههههه
ابيات مضحكة
الزينة مش كل شيء
مشكور أخوي على هالابيات
دمت بسعادة​

 

[تولاي]

رد: اللـي تحـط مكيـاج خلهـا تولـّي

..//..
​

شاكرة لك

روعه طرحك المتجدد .. وجمال إختيارك الدائم
والله لايحرمنامنك .. ولامن روعه مواضيعك
..//..
فشكري لك لا حدود له
تقبل مني أرق الود وأرقى الورد​

 

[مستر آدم]

رد: اللـي تحـط مكيـاج خلهـا تولـّي

نورتو صبايا الموضوع
تحيااتيييييييييييي​