mo3taz_q
:: V . I . P ::
- إنضم
- 16 فبراير 2008
- المشاركات
- 17,808
- مستوى التفاعل
- 3
- النقاط
- 0
- الإقامة
- Sankt Petersburg
- الموقع الالكتروني
- www.facebook.com
من دعوات ستي الحنونه جزء 2
1 : لما واحد من اولادها او احفادها يطلع بالسياره :
يا الله يا الله الله معكم و يحماكم
الله معكم و يرعاكم
يا حامي الحمى يحميكم بحمايتو و يرعاكم برعايتو و بتقرأ سورة الاخلاص و بترفع ايدها و بتأشر عليهم متل كأنوا بترمي شي عليهم
حكيتو امـــــــــين
2 : لما تطلع بالسياره شو بتحكي
يا الهي انت جاهي و انا فيك مستعين يا رب العالمين متكلين على واحد احد ما الو بالدنيا تاني متكلين عليك يا رب العالمين و بتحكي للي قاعد معها او بدو يوصلها لمشوارها :
الله يخليلي ياكم يما (بتجمع ) بجاه الي اعطاني ياكم و يحميكم انتو و اولادكم و اولاد اولادكم
3: و لما حدا من اصحاب اولادها او احفادها يجي عندهم او تشوفهم بتحكي :
الله يحميكم انتو و جميع شباب المسلمين و يبعد عنكم الحاسدين و يعمي عنكم قلوب الظالمين الله يسلمكم و يسلم جميع شباب المسلمين الله يصلحكم و يصلح شباب المسلمين
و يجعلكم من عبادوا الصالحين و يعطيكم الخير و يبعد عنكم الشر و يرزقكم رزق الحلال انتو و جميع الشباب (طبعا ما بكونوا صاروا مروحين )
حكيتو امــــــــين
4 : لما بدها تختم دعائها بتحكي : الحمد و الشكر لله على عطاياه يا رب يا سامع الدعاء تستجيب و لا تردنا اليك الا رد جميل و انت راضي عنا
و هاااااااااااااي دعوات ستي بهدول الكلمات و العبارات البسيطه
الي عنجد بتترك معنى كبير النا لما نسمعها
