محمد المحمدي
Well-known member
قصيده الى الشاعر عبدالله محمد رشيد الجغيفي
اجيتك حامل بـﭼفي عبارات المحبه ومنابعها
توجتها بكثــر شـيباتي وبيها تجاعيـد السنين
حـرت شـأختــار وانت الوصـف يوﮔـف ببابك
ياللي تنـﮔـط احاسيسك مـوده وشوﮒ وحنين
خفت اتلعثـم لو ما ردت احـﭼـي بكـل صفـاتك
شـفت باشـعارك انغـام الفـرح والنـاي الحزين
انت قــدوه لكـل شـبـاب اليـوم وعــزه ومقــام
البلد بكل اطيافـه والمنتدى بيك دوم مفتخرين
هـذا آني مـو غلطـان لو ﮔـلـت خـانت الكلمات
واخـافـــاً من التقصيــر ويمكـن تنحسـب ديـَن
اعـذرني لكبـر سـنـي وآنـي احس بيكـم شباب
تـرى الفـرحه بيكم من اشـوف شـلون ملتمين
عسى ربي يــدوم حبكم بالنصـر ويرجع بلـدنا
وبحـب العراق يظـل علم وكل احنـه متحزمين
