قصيدة عامية مشهورة من الموروث الشعبي يقال أنها وجدت مكتوبة على جدران زنزانة في سجن عكا أعدم قائلها في اليوم التالي و قيل أن اسمه عوض.
..
يا ليل خلِّ الأسيرْ تَ يْكمِّلْ نواحُو
رايح يفيق الفجر ويرفرف جْناحو
تَيَتْمَرْجَحْ المشنوق في هبّة رْياحو
***
يا ليل وقِّف تَقَضِّي كلْ حسراتي
يمكن نسيت مين أنا ونْسيت آهاتي
يا حيف كيف انقضت بيدك ساعاتي
***
شمل الحبايب ضاعْ واتكسّروا اقْداحوا
***
لا تظنْ دمعي خوف.. دمعي على اوطاني
وعا كَمْشة زغاليل في البيت جوعاني
مين راح يطعمها بعدي وإخواني
***
شباب اثنين قبلي ع المشنقة راحوا
***
وبكرا مراتي كيف راح تقضي نهارها
ويلها عليّ وويلها على ظْغارها
يا ريتني خلّيت في أيدها سوارها
***
يوم أن دعتني الحرب تا اشتري سلاحو
***
ظنيت لنا ملوكٍ تمشي وراها رجالْ
تخسا الملوك إن كانوا هيك انذال
والله تيجانهم ما يصلحوا لنا نعال
***
إحنا اللي نحمي الوطن ونضمد جراحو
..
يا ليل خلِّ الأسيرْ تَ يْكمِّلْ نواحُو
رايح يفيق الفجر ويرفرف جْناحو
تَيَتْمَرْجَحْ المشنوق في هبّة رْياحو
***
يا ليل وقِّف تَقَضِّي كلْ حسراتي
يمكن نسيت مين أنا ونْسيت آهاتي
يا حيف كيف انقضت بيدك ساعاتي
***
شمل الحبايب ضاعْ واتكسّروا اقْداحوا
***
لا تظنْ دمعي خوف.. دمعي على اوطاني
وعا كَمْشة زغاليل في البيت جوعاني
مين راح يطعمها بعدي وإخواني
***
شباب اثنين قبلي ع المشنقة راحوا
***
وبكرا مراتي كيف راح تقضي نهارها
ويلها عليّ وويلها على ظْغارها
يا ريتني خلّيت في أيدها سوارها
***
يوم أن دعتني الحرب تا اشتري سلاحو
***
ظنيت لنا ملوكٍ تمشي وراها رجالْ
تخسا الملوك إن كانوا هيك انذال
والله تيجانهم ما يصلحوا لنا نعال
***
إحنا اللي نحمي الوطن ونضمد جراحو