mo3taz_q
:: V . I . P ::
- إنضم
- 16 فبراير 2008
- المشاركات
- 17,808
- مستوى التفاعل
- 3
- النقاط
- 0
- الإقامة
- Sankt Petersburg
- الموقع الالكتروني
- www.facebook.com
آويها ... وهاي عكّا
ومين قدّها؟
آويها .. وكل الفلسطينية
واقفين حدها
آويها ... وكل جيوش نابليون
عجزت عن هدها
آويها .. لو ألف عربدة
وعربدة عكّا
بتصدها !
آويها ... شبابك يا عكّا
كلهم أسود
آويها ... وعين الحسود فيها
الف عود
آويها .. وللي قهر نابليون
رح يقهر الصهاينة اليهود !
آويها .. والقصة مش رمّانة
آويها .. القصة لقلوب
مليانة
آويها .. وقلوب أهل عكّا مقطوعه
من صوانه
آويها .. وعكّا في عيونهم
رح تضلي شوكة
آويها .. وأيادي أهلك وشعبك
كلها مشبوكة
آويها .. وكل العرب صلّوا عالنبي لما سمعوكي
وشافوكي
آويها .. وياعرسان القدس تسلم اياديكوا
آويها .. واللي سرى من اقصاها وربي بيحميكو
آويها .. وكل أحرار الأمة بتهني أهاليكو
وبتحط الغار على روسكم وبالحنّا بتحنيكو
