لا يلدغ المؤمن من جحر مرتين !!!

[نضال الحاج]

بسم الله الرحمن الرحيم

السلام عليكم ورحمة الله وبركاته

القصة وما فيها وبدون مقدمات ... كثير بنمر في ظروف أو بنجرب أمر معين .. وبعد فترة نكتشف أن هذا الامر كان

مردوده سلبي علينا ... ولكن هذا ليس غريب فالكل يحاول في أي أمر ويخطىء أو يصيب ... لكن العجيب أن

الأمور التي تعرضنا للإهانة (والبهدلة) !! نعاود تكرارها وكأننا لا نعرف عنها شيئا ... ونقع مرة أخرى في المشكلة...!!!

في رأيكم لماذا يحدث ذلك مع الكثيرين (ليس مع الكل) ...

أرجو تفاعلكم ومناقشتكم الحيوية ...

اخوكم ...... نضال الحاج :eh_s(7):
​

 

[عمر القشقيش]

رد: لا يلدغ المؤمن من جحر مرتين !!!

مشكور نضال على طرح الموضوع
بصراحة كلامك صحيح واغلبنا بمر بهيك امور
ويمكن السبب انو احنا ما بنتعلم من اول مرة
او لانا بنفكر وبنقول المرة راح يزبط الامر
بس برضو بنرجع وبنقع في نفس المشلكة
هذا تحليلي .

 

[نضال الحاج]

رد: لا يلدغ المؤمن من جحر مرتين !!!

تحليلك في منو أخ عمر

يسلمو على المشاركة

تحيتي الحارة لك
​

 

[جنون انثى]

رد: لا يلدغ المؤمن من جحر مرتين !!!

صدقت اخي
الواحد بخوض تجربه
بعرف النتيجه بس
بحس انو احنا البشر
ما بنتعلم الا ناخد على راسنا
وننقرص ونتوجع وقتها بنوعى


ما بعرف يمكن غباء او سذاجه منا


كل الشكر لطرحك الجميل








يعطيكـ العافيـهـ



ودي قـبــل ردي

 

[همــســة]

رد: لا يلدغ المؤمن من جحر مرتين !!!

معك حق
( المفروض نتعلم ) .. وفيه ناس بتتعلم من اول مرة
بس بصراحة انا ما بتعلم ابدا .. ولازم اعيد الغلط مرتين تلاتة لأستوعب انه هالشي مش راح يزبط معي

فيك تقول عناد .. بس هيك ما بنفع وغلط كبير

بس عادة بفكر انه ( يمكن يزبط الموضوع المرة هاي ) ؟!!
وبضل احاول واعيد لحد ما يزبط .. او لحد ما اقتنع انا انه مستحيل يمشي الحال !

يسلم دياتك واسفة عالفلسفة الطويلة .

 

[نضال الحاج]

رد: لا يلدغ المؤمن من جحر مرتين !!!

صدقت اخي
الواحد بخوض تجربه
بعرف النتيجه بس
بحس انو احنا البشر
ما بنتعلم الا ناخد على راسنا
وننقرص ونتوجع وقتها بنوعى


ما بعرف يمكن غباء او سذاجه منا


كل الشكر لطرحك الجميل








يعطيكـ العافيـهـ



ودي قـبــل ردي

صحيح أختي في منو كلامك

وهاي عادتنا وفطرتنا احنا البشر

لكن اسلامنا الجميل بيعطينا الحل

لذلك الصحيح ان نسمع ما يمليه علينا

هذا الدين العظيم ...

بشكر تواجدك ومشاركتك في الموضوع

والذي أعتقد أنه من أهم المواضيع

التي يمكن أن تطرح للنقاش ..
​

 

[نضال الحاج]

رد: لا يلدغ المؤمن من جحر مرتين !!!

معك حق
( المفروض نتعلم ) .. وفيه ناس بتتعلم من اول مرة
بس بصراحة انا ما بتعلم ابدا .. ولازم اعيد الغلط مرتين تلاتة لأستوعب انه هالشي مش راح يزبط معي

فيك تقول عناد .. بس هيك ما بنفع وغلط كبير

بس عادة بفكر انه ( يمكن يزبط الموضوع المرة هاي ) ؟!!
وبضل احاول واعيد لحد ما يزبط .. او لحد ما اقتنع انا انه مستحيل يمشي الحال !

يسلم دياتك واسفة عالفلسفة الطويلة .

مشكورة أخت " همسة" على مشاركتك في النقاش

وبالعكس هذا هو الحوار والنقاش البناء .. مش فلسفة ولا حاجة

الصراحة اشي حلو .. واحنا وضعنا الموضوع لنحط ادينا على الجرح

.. كلامك صحيح أختي والاغلب بمر فيه .. لكن احنا بنقول ان خالقنا

أعطانا الحل .. ليش نضل نحاول ونجرب ... فيه أمور بكون بدها هيك

وهذا مش عناد بل إصرار وهذا شيء جميل في الشخص ..

لكن المشكلة اذا كنا نعلم نهاية الامر مسبقا ستكون وخيمة علينا

وقد تعرضنا للمشاكل وتوقعنا في الحرام .. هذه ما نطالب بعدم الوقوع

فيها أكثر من مرة ... فالمرة تكفي لكي نعتبر ..؟؟!

كل الاحترام لكي أختي
​