جنون انثى
فراشـــة المــلتقى
البُعد باكي أنظف... حتى الكلم نشف زي دموع العين..
والصرخات كبيرة والهم باكي واحد... بس ما تغيرش
اشياء كثيرة... يمكن هاي راحة ما بين الشوطين...
او المرحلة مش خاسّها انتكادات ولا فلسفات ولاتنظيرات
ولا سخام البين زي ما بتخرفوا لكبار... بس اللي مازع
الكلب اكبر من اييا مرحلة... وبتتخابط في بعظها زي
هالمرحلة من تصريحات اهل التصريحات غير المفهومة...
يعني اللي مش عايش في هالبلد بفكر كأننا بنهدد
ومكلكين منام الاسرائيليين ويعني هُمّا اللي متشردكين
(يسوّلنا) سلام بس على الطريكة الأمريكانية هالمرّه...
تغيير عمي...
وجماعتنا كأنهم بهددوا الإسرائيليين اذا ما صارش سلام...
كأننا بنحكي من ثِم مش فلسطيني... والحكي رواك..
واللعب خَف.. كان هان ولا في غزة...والهدف
والاستراتيجية الحين مش مفهوم راسها من شحاطتها...
الجماعة في غزة بستنوا شو بدهم يسووا اللي في الظفة..
والظفة بستنوا موكف من غزة... وبين المواكف ما ظل
اشي واكف...وشكلو لثنين راح يظلوا يستنوا...
وعلى السياسة العالمية الجديدة... كل واحد في الو سيدو
في العالم... واللي بدفع بشتري من وين ما بدو...
يعني اذا بتعطي الولد قرش بتكدر تؤمرو من اييا دكانة
يشتري... إللا اذا الولد إبن حرام ومش سائل فيك...
بس خسارة جماعتنا عاكلين ومطيعين...
يعني خلينا نفكر اكثر... اذا عربيتي في حارة ومسكَر عليها
والكعك من البلد.. الفلافل شغل مسطوطنات... والبيظات
من جاجات الجيران ورا الحارة... وكل محاولات العنادة فشلت...
والمفاوظات فشلت انهم يحلوا عن إجري... يا ببطل ابيع
فلافل.. او بفتش على طريكة أكلي فيها الفلافل هااان..
لو انو راح يطلع محروك.. او بستورد جاجات من الصين...
زي ما صار (الاستوراد) عنا بالهبل... او بشَكِف
خشبات العرباية وبسوي منها سهام تخزك عين العدو
واللي حواليه... او ابيع الكعك ناشف... يعني لازم
تفكروا بالمرحلة ما بعد الاتفاك (هاظ اذا صار)
او اذا ما صار شو بدو يصير...
فخذوا - بلا مؤاخذة- موكف واظح... واحسبوها
مليح وفكروا شو بدكوا تسوّو فينا على كل الاتجاهات..
والاصعدة..الملموسة والمحسوسة والمخزكة..والملتعن
اختها.. لأن النَفَس بلش يخلص زي الميه والكهربا...
وابعدونا عن الطريكة الامريكانية وخلي اللعب
فرنساوي... مثلاً...
طلياني.. اسبنيولي... تشيلاوي..
وينك يا كعككككككككككككككككك
